Një shprehje e urtë thotë: “Fjalën nuk e prekim dot. Po peshën ia ndjejmë.” Pra, çdo fjalë e pamenduar e lëndon dhe e bën tjetrin të ndihet keq.

“Gjuha e urrejtjes” shkon përtej shprehjes së opinioneve shoqërore ose të diskutueshme. Ai përfshin gjuhën ose veprimet që synojnë të dehumanizojnë, margjinalizojnë ose shtypin individët ose komunitetet. Qëllimi i tij kryesor është të përhapë urrejtje dhe të ushqejë armiqësi.

Por, a është kjo ajo ç’ka ne duam si shoqëri? Vërtet duam që ta ulim tjetrin nga pozicioni i punës që ka? Le ti japim fund kësaj gjuhe urrejtjeje së bashku. Nise ndryshimin nga vetja, duke menduar mirë fjalët që thua. Nxitni mjedise gjithëpërfshirëse në shkolla, vendet e punës dhe hapësirat publike që përqafojnë diversitetin dhe ofrojnë mundësi të barabarta për individët me aftësi të ndryshme, për individët të cilët janë unik.

“Gjuha e urrejtjes” që synon aftësitë e një personi është i dëmshëm dhe diskriminues. Kjo gjuhë urrejtje është një formë komunikimi poshtëruese dhe gjykuese e cila mund të çoj në stigmë, ulje të vetvlerësimit dhe shkelje të të drejtave të njeriut. 

Reflektoni mbi paragjykimet tuaja rreth aftësive të të tjerëve. Sfidoni dhe edukoni veten për t'u bërë më të ndërgjegjshëm dhe më të ndjeshëm ndaj përvojave të individëve me aftësi të ndryshme nga ju, sepse çdo njeri është unik në sojin e tij.

A mendoni se duhet të ekzistojnë paragjykimet apo diskriminimet, kur të gjithë mund ta përkrahim dhe ta vlerësojmë njëri-tjetrin për atë që jemi?

Le të tregohemi më të kujdesshëm kur shprehemi dhe ti vlerësojmë të tjerët. Gjithmonë duhet ti zgjedhim fjalët tona saktë duke shmangur çdo gjuhë urrejtje që e demoralizon apo e bën tjetrin të ndihet keq.

Asnjëherë nuk duhet ta gjykojmë apo ofendojmë dikë. Çdo punë ka vlerë. Le të heqim dorë nga gjuha e urrejtjes dhe të ndërtojmë ura komunikimi miqësore dhe vlerësuese. Mbështetni dhe bashkëpunoni me organizatat që punojnë për të forcuar ligjet kundër diskriminimit dhe gjuhës së urrejtjes.

Është e rëndësishme të kuptojmë se të gjithë individët, pavarësisht aftësive që ata kanë, kanë të drejtë të trajtohen me respekt dhe të gëzojnë të njëjtat të drejta dhe mundësi si të tjerët. Aftësitë e ndryshme nuk duhet të jenë shkak diskriminimi apo talljesh, por duhet të vlerësohen si një pjesë unike e identitetit të secilit individ, sepse çdo punë ka vlerat e saj.

Diskriminimi dhe urrejtja bazuar në aftësitë e një personi është e padrejtë dhe e dëmshme për shoqërinë sepse shkakton përçarje të saj. Është detyra jonë të angazhohemi për të ndërtuar një ambient të përkrahjes, vlerësimit dhe barazisë për të gjithë.

NDRYSHIMI FILLON NGA TI!

Vlerësoji tjetrit aftësitë që ka.