Shtimi i kompetencave dhe përgjegjësive të organeve të qeverisjes vendore në drejtim të rinisë dhe barazisë gjinore kërkon një angazhim dhe vëmendje të shtuar prej organeve të pushtetit lokal në trajtimin e këtyre çështjeve.
Observatori për të Drejtat e Fëmijëve dhe të Rinjve ka realizuar dokumentin që paraqet një panoramë të plotë informuese të Bashkisë Gramsh në drejtim të zbatimit të detyrimeve ligjore dhe nevojave për adresimin e çështjeve të rinisë, si edhe trajtimin e çështjeve gjinore nga qeverisja vendore.
Ky dokument është realizuar me mbështetjen e UNFPA Shqipëri në kuadër të Projektit të Përbashkët të Kombeve të Bashkuara “Bashkimi Evropian për Barazinë Gjinore në Shqipëri: Zbatimi i Kuadrit Ligjor (Acquis) të Bashkimit Evropian për Barazinë Gjinore” (EU4GE), që po zbatohet nga UN Women dhe UNFPA dhe financohet nga Bashkimi Evropian, përmes Fondit të Përshpejtimit të Objektivave të Zhvillimit të Qëndrueshëm (OZHQ) të Kombeve të Bashkuara në Shqipëri.
