Barazia gjinore, nga perspektiva e të drejtave të njeriut, është i njohur si objektiv zhvëllimor por edhe jetik për përshpejtësimin e zhvillimit të qendrueshëm.

Ky studim ofron një pasqyrë të përgjithshme të situatës së barazisë gjinore në njësitë administrative vendore Velipojë dhe Shirgjan. Ai fokusohet tek të rinjtë vulnerabël dhe qasja e tyre në shërbimet bazë. Studimi vlerëson rolin e pushtetit vendor dhe strukturave të tjera publike dhe shërben si bazë për të orientuar ndërhyrjet e njësive të qeverisjes vendore në krijimin e një mjedisi të favorshëm për të rinjtë nëpërmjet zhvillimit të planeve dhe shërbimeve rinore vendore.

Ky studim u përgatit nga Qendra Shqiptare për Popullsinë dhe Zhvillimin (ACPD) me mbështetjen e UNFPA Shqipëri në kuadër të Projektit të Përbashkët të Kombeve të Bashkuara “Bashkimi Evropian për Barazinë Gjinore në Shqipëri: “Zbatimi i Kuadrit Ligjor (ACQUIS) të Bashkimit Evropian për Barazinë Gjinore” (EU4GE), që po zbatohet nga UN Women dhe UNFPA dhe financohet nga Bashkimi Evropian, përmes Fondit të Përshpejtimit të Objektivave të Zhvillimit të Qëndrueshëm (OZHQ) të Kombeve të Bashkuara në Shqipëri.