Është e vështirë të përcaktohet një arsyetim për kategoritë racore dhe nuk ka një marrëveshje të qëndrueshme rreth një grupi objektiv kategorish.

Klasifikimi i individëve sipas pamjes së tyre fizike dhe ngjyrës së lëkurës është i pabesueshëm dhe me vlefshmëri të dyshimtë. Studimet gjenetike kanë gjetur disa prova të grupeve të gjera "kontinentale" të cilat janë gjenetikisht të ngjashme.  

Raca është një kategorizim i njerëzve bazuar në cilësitë e përbashkëta fizike ose sociale në grupe që përgjithësisht shihen si të dallueshëm brenda një shoqërie të caktuar.

Koncepti i racës është themelor i racizmit, besimi se njerëzit mund të ndahen bazuar në epërsinë e një race mbi një tjetër.

Gjuha e urrejtjes vërehet shumë në grupe të caktuara njerëzish, të cilët mund të dallohen nga ngjyra e lëkurës, por kjo nuk I jep të drejtën askujt të paragjykojë apo diskriminojë.

Racizmi mund të përjashtojë në mënyrë të drejtpërdrejtë ose të tërthortë njerëzit nga aksesi i shërbimeve ose pjesëmarrja në punësim, arsim, sport dhe aktivitete sociale.

Mund të ndodhë gjithashtu në nivel sistemik ose institucional përmes politikave, kushteve ose praktikave që vënë në disavantazh grupe të caktuara.

Kjo duhet të ndalet. Të drejtat e njeriut janë për të gjithë. Të gjithë njerëzit janë të barabartë dhe duhet të trajtohen në mënyrë të barabartë dhe me dinjitet, pavarësisht ngjyrës së lëkurës apo pamjes së jashtme.